要相信緣份的安排 !

今次, 我選對了 !

向大家update一個最新消息:

我e+已經搬-ed出東涌住lu, 通常一個禮拜係東涌訓3-4日到la. 同3個同事一齊住, 4個男人一齊住超正, 勁六樓后座feel~~

返工差兩個幾月lu, 雖然返工係咁犯錯係咁爆鑊, 簽OR都簽到出晒名, 但係返工真係返得好開心, 勁開心 !!!

做左呢份工, 更加覺得自己係一個極度粗心大意既人, 所以自己成日都做漏野做錯野. e+我個team supervisor講明la, 我再犯一同錯處既話就出warning, 所以e+開始局住謹慎. d同事都知我係咁既人la, 成日都係我身邊提住我, 提醒我每個步驟, 所以好耐都冇事lu, 進步左勁多. 希望未來三個月都冇事, 唔駛收warning la.

同d同事e+超級好玩la, 成日放工都會一齊出去玩, 去左disney, 去左個生日party, 去左次打牌, 去左次Regal開party, 又打邊爐, 又唱k, 又燒野食.....好多時候, 玩到半夜四五點, 就一齊返機場restroom, 訓返一兩個鐘, 咁就去返工, 超級顛呀~

係「Jardine」做既, 真係個個都做到「差d顛」ga~~

0635返工, 2330放工.......

0700返工, 0045放工.......

下個月份糧......正 !!!